மின்னம்பலம் மின்னம்பலம்

எங்களைப் பற்றி...

தகவல் தொழில்நுட்பத்தின் நவீன வளர்ச்சியை தமிழ் ஊடகப் பரப்புக்கு அறிமுகம் செய்யவும், புதிய தகவல் தொழில்நுட்பங்கள் மூலம் ஊடக ஜனநாயகத்தைப் பெருநகரங்கள் முதல் குக்கிராமங்கள் வரை கொண்டு சேர்க்கவும் தொடங்கப்பட்ட நிறுவனம் Annamalai Digital India Pvt. Ltd. சென்னையை தலைமையிடமாகக் கொண்டு செயல்படும் இதன் முதல் வெளியீடு தமிழின் முதல் மொபைல் பத்திரிகை மின்னம்பலம் minnambalam.com ஆகும்.

* செய்திகளை அவசர கதியில் வழங்காமல் துல்லியமாகவும், தெளிவாகவும், சரியாகவும் வழங்குவதே மின்னம்பலத்தின் நோக்கம். மின்னம்பலம்.காம் தினமும் காலை 7 மணி, பகல் 1 மணி, மாலை 7 மணி என மூன்று தடவைகள் அரசியல், கலை, சமூகம், பொருளாதாரம் என நான்கு பிரிவுகளில் செய்திகளை வெளியிடுகிறது.

* செய்திகளைப் பொறுத்தவரை, அனைத்துச் செய்திகளும் பாரபட்சமில்லாமல் வழங்கப்படும். மக்களைப் பாதிக்கும் செய்திகள், தனிநபர்களின் அந்தரங்கத் தகவல்கள், வக்கிரச் செய்திகள், சாதி/மதவெறியைத் தூண்டும் செய்திகள் வெளிவராது.

* சிறப்புக் கட்டுரைகளைப் பொருத்தவரை, அனைத்துத் துறை சார்ந்த கட்டுரைகளும் தினமும் வெளியிடப்படும். அரசியல், சமூகம், பொருளாதாரம், பண்பாடு, கலை, அறிவியல்,பொழுதுபோக்கு என அனைத்துத் துறைகள் சார்ந்த விமர்சனங்கள், அலசல்கள், மதிப்பீடுகள், அறிமுகங்கள், பாராட்டுகள் அந்தந்தத் துறைசார்ந்த விமர்சகர்கள், வல்லுநர்கள், நிபுணர்களிடமிருந்து பெறப்பட்டு வெளியிடப்படும்.

உங்கள் கருத்துகளைப் பகிர்ந்துகொள்ள: [email protected]

அ.காமராஜ்ஆசிரியர், நிர்வாக இயக்குநர்

இதழியல் துறையில் 1988லிருந்து தீவிரமாக செயல்பட்டு வருபவர். ஜனநாயகத்தின் குரல் நசுக்கப்படும் போதெல்லாம் அதற்கு எதிராக உரத்த குரல் கொடுப்பவர். சாமானிய மக்கள் பார்வையில் செய்திகளைத் தொடர்ந்து வெளியிடுபவர். சமூக, அரசியல் துறைகளில் சிறந்த புலனாய்வுக் கட்டுரைகள் எழுதி, தமிழ் புலனாய்வுத் துறையில் தனக்கென்று ஒரு இடத்தைக் கொண்டிருக்கும் பத்திரிகையாளர். தமிழ் ஊடகத்தில் புதிய மடைமாற்றம் ஏற்படுத்த Annamalai Digital India Pvt. Ltd. நிறுவனத்தை தொடங்கி நடத்தி வருகிறார்.

ஜெயசுதா காமராஜ், இயக்குநர்

சென்னையில் மைண்ட்-ஜோன் உளவியல் ஆலோசக மருத்துவமனையை  நிறுவி செயல்பட்டு வருகிறார். ஊடகத்தில் உளவியலின் பங்கை நன்கு அறிந்தவர். உளவியல் ஆலோசனை வழங்குவதிலும், உளவியல் பயிற்சிப் பட்டறை நடத்துவதிலும், உளவியல் ஆய்வுகளிலும் ஈடுபட்டு வருகிறார். மனநல ஆரோக்கியத்தை அடித்தட்டு மக்களுக்குக் கொண்டுசெல்லும்

முயற்சியாக பல ஊடக நிகழ்வுகளில் பங்குகொண்டு சமூகப்பணி ஆற்றி வருகிறார்.

ஜெ.ஜெயரஞ்சன்ஆசிரியர் குழு ஆலோசகர்

பொருளாதார ஆய்வாளர். சென்னை எம்.ஐ.டி.எஸ். நிறுவனத்தில் முனைவர் பட்டம் பெற்றவர். சென்னை மாற்று வளர்ச்சி மையத்தை (ஐடிஏ) உருவாக்கி, தொடக்கம் முதல் இயக்குநராக பணியாற்றி வருகிறார். தமிழக சமூக, பொருளாதாரப் பிரச்சினைகள் குறித்து 1986ஆம் ஆண்டிலிருந்து ஆய்வுகள் மேற்கொண்டு வருகிறார். புகழ்பெற்ற பல சர்வதேசப் பல்கலைக்

கழகங்களின் அழைப்பின்பேரில் வருகைதரு ஆய்வாளராகப் பணியாற்றி வருகிறார். அப்பல்கலைக் கழகங்களின் பல பேராசிரியர்களுடன் இணைந்து பணியாற்றியும் வருகிறார்.

இவரது ஆய்வுக் கட்டுரைகள் முக்கிய ஆய்விதழ்களிலும் புத்தகங்களாகவும் வெளிவந்துள்ளன. இந்திய அரசும் தமிழக அரசும் இவரது ஆய்வுகளைக் கொள்கை முடிவு எடுப்பதற்குப் பயன்படுத்தி வருகின்றன. பொருளாதாரம் குறித்து சாமானிய மக்களுக்கும் புரியும் வகையில் சொல்வதிலும் எழுதிவதிலும் சிறந்தவர்.

காந்தி பாலசுப்ரமணியன்கலைக் குழு ஆலோசகர்

நாட்டுப்புறவியல், தொல்கலை வரலாற்று ஆர்வலர்

கண்ணன்பொது மேலாளர்

இளநிலைப் பொறியாளர் பட்டம். கணினி செயலித் துறையில் 2000ஆம் ஆண்டிலிருந்து இடைவிடாமல் சோர்வின்றி செயல்பட்டு வருகிறார்.

வேல்முருகன்ஆசிரியர் குழு ஒருங்கிணைப்பாளர்

வாசிப்பதே இவர் மூச்சு

சக்திவேல், அலுவலக ஒருங்கிணைப்பாளர்

அன்பும் உழைப்பும் கொண்ட நேர்மையாளர்

ராகவேந்திரா ஆராபொறுப்பாசிரியர்

ஊடகத் துறையில் 2001ஆம் ஆண்டிலிருந்து செயல்பட்டு வருகிறார். அரசியல், சமூகம், கலை போன்ற துறைகளில் எண்ணற்ற கட்டுரைகளை எழுதி வருகிறார். இலக்கிய தாகமும் கொண்டவர். ஆவணப் படங்கள், குறும்படங்களுக்குப் பாடல்களும் எழுதி வருகிறார்.

வே.சிவபிரகாஷ்துணை பொறுப்பாசிரியர்

இளங்கலை கணினி பயன்பாடு படித்துவிட்டு, படிப்பு என்பது ஒரு அறிவுதானே தவிர, தகுதியல்ல என்பதையுணர்ந்து ஊடகத்துறை மீதான ஈடுபாட்டால் 2012ஆம் ஆண்டிலிருந்து தொடர்ந்து இயங்கி வருகிறார். உலக சினிமாவில் விருப்பம். புகைப்படத்தின் வழி, எளிய மனிதர்களின் வாழ்வைப் பதிவதில் ஆர்வம் கொண்டிருப்பதோடு, கலை மக்களுக்கானது என்பதில் நம்பிக்கை கொண்டவர்.

எம்.பி.காசிநாதன்துணை ஆசிரியர்

1994ஆம் ஆண்டிலிருந்து ஊடகத் துறையில் இயங்கி வருகிறார். சமூகத்தில் அடித்தட்டு மக்களைப் பாதிக்கும் பல பிரச்சினைகளை மக்கள் மத்தியில் அம்பலப்படுத்தி வருபவர். அரசியல், சமூகம், குற்றவியல் சார்ந்து இவர் முன்வைக்கும் செய்திகள் வாசகர்கள் மத்தியில் பாராட்டை பெற்று வருகின்றன.

ப.கவிபிரியாமுதுநிலை உதவி ஆசிரியர்.

இளங்கலை தகவல் தொழில்நுட்பக் கல்வியில் பட்டம் பெற்றவர். சமூகம், பெண்கள், குழந்தைகள், நீதி நிர்வாகம் சார்ந்த பிரச்சினைகளில் தனித்த கண்ணோட்டத்துடன்  2016ஆம் ஆண்டிலிருந்து சளைக்காமல் எழுதி வருகிறார்.

த.எழிலரசன்இளநிலை உதவி ஆசிரியர்

இளங்கலை வேளாண்மை பட்டப் படிப்பு முடித்த இவர், பத்திரிகைத் துறையின் மீது ஏற்பட்ட தீவிர ஈடுபாடு காரணமாக, 2015ஆம் ஆண்டிலிருந்து ஆர்வமுடன் செயல்படுகிறார். ஆட்சி, அரசியல், சமூகத்தில் நிலவும் மக்கள் விரோத செயல்பாடுகளை கண்டு வெகுண்டெழுபவர்.

முகேஷ் சுப்பிரமணியம்நிருபர்

இளங்கலை காட்சித் தொடர்பியல் படிப்பும், டெல்லியிலுள்ள ஆசிய திரைப்படக் கல்லூரியில் திரைக்கதை எழுதுதல் படிப்பும் மேற்கொண்டவர். இவர் இயக்கிய குறும்படங்கள் தென்னிந்தியாவில் நடைபெற்ற சர்வதேச திரைப்பட விழாக்களில் இடம்பெற்றன. திரைப்படங்களின் மூலம் தன்னை வெளிப்படுத்திக்கொள்ள காத்திருக்கும் நாளைய இயக்குநர். 

பிரபாகரன்தலைமை வீடியோ எடிட்டர்

இளங்கலை காட்சித் தொடர்பியல் படித்து முடித்திருக்கும் இவர், சமூக ஏற்றத்தாழ்வுகள் மற்றும் பாலின பாகுபாடுகளை தனது கேமரா மூலமும், எழுத்தின் மூலமும் உடைப்பதற்காக இயங்கிக் கொண்டிருப்பவர். இயக்குதல், எழுதுதல், படம் பிடித்தல், எடிட் செய்தல் என திரை மொழியின் அத்தனைக் காரணிகளிலும் தன்னை வளர்த்து வருகிறார். 

சுமி கிருஷ்ணாசிறப்பு நிருபர்

டாக்டர் அம்பேத்கர் அரசு சட்டக் கல்லூரியில் இறுதியாண்டு படித்துவரும் இவர், ஒரு சாமான்ய மனிதனின் கோபத்தின் காரணமாக உருவாகும் சமூக அக்கறையை  கல்வி தந்த அறிவாற்றலின் மூலம் தன்னைச் சுற்றியுள்ள மக்கள் பலன் பெறும் விதத்தில் மாற்றவேண்டும் என்ற தன்னம்பிக்கையுடன் பத்திரிகை துறையில் நுழைந்தவர். எழுத்து, காட்சி, பேச்சு என மூன்று துறைகளிலும் சளைக்காமல் செயல்படுபவர்.

தினகரன் செல்லன்வீடியோ எடிட்டர்

கணினி அறிவியலில் இளங்கலை பொறியியல் பட்டம் பெற்றவர். பாலு மகேந்திரா சினிமா பட்டறையில் நடிப்புப் பயிற்சி முடித்து குறும்படங்கள் மற்றும் மேடை நாடகங்களில் நடித்துக்கொண்டிருப்பவர். 

கிட்டுவீடியோ எடிட்டர்

இளங்கலை காட்சித் தொடர்பியல் படித்துக்கொண்டிருக்கும் இவர், ஏட்டிலிருப்பதை படித்து முடிப்பதற்குள், அனுபவப் படிப்பையும் படித்து முடிக்கவேண்டும் என்ற நோக்கத்தில் பகுதி நேர வீடியோ எடிட்டராக பணியாற்ற விருப்பப்பட்டு ஊடக உலகத்துக்குள் நுழைந்தவர். நாளைய ஊடக உலகின் மாற்றத்துக்கான காரணியாக தன்னை உருவாக்க, இப்போதே முயற்சியை தொடங்கியிருப்பவர்.

சுரேஷ்ஒளிப்பதிவாளர்

இளங்கலை காட்சித் தொடர்பியல் படித்துள்ள இவர், வாழ்வின் பல பரிமாணங்களை தன் புகைப்படங்களின் மூலம் வெளிப்படுத்த முடிவெடுத்து, கேமராவை கையிலெடுத்தவர். உயிரற்ற பொருட்களுக்கும் கேமரா மூலம் உயிர்கொடுக்க முடியும் என்ற நம்பிக்கை உள்ளவர். 

மணிகண்டன், உதவி ஒளிப்பதிவாளர்

நினைத்ததை நினைத்த நேரத்தில் முடிப்பவர்.