W96 காதலர்களுக்காக ஜானு டிரெய்லர்!

entertainment

96 திரைப்படத்தின் தெலுங்கு ரீமேக்காக உருவாகியுள்ள ‘ஜானு’ திரைப்படத்தின் டிரெய்லர் வெளியாகி ரசிகர்கள் மத்தியில் வரவேற்பைப் பெற்றுள்ளது.

கடந்த 2018ஆம் ஆண்டு விஜய் சேதுபதி – த்ரிஷா நடித்து வெளியான 96 திரைப்படம் விமர்சன ரீதியாகப் பெரும் பாராட்டுகளைப் பெற்றது. முதல் காதலின் மறக்கமுடியாத தருணங்களை மீண்டும் நினைவுபடுத்திய அந்தத் திரைப்படம் காதல், நட்பு போன்ற உணர்வுகளை மிக அழகாகக் கடத்தி அனைவராலும் கொண்டாடப்பட்டது. தமிழில் பிரேம் குமார் இயக்கியிருந்த 96 திரைப்படம், பிற மொழிகளிலும் ரீமேக் செய்யப்பட்டு உருவானது.

கன்னடத்தில் 99 என்ற பெயரில் வெளியான படத்தில் கணேஷ் மற்றும் பாவனா நடித்தனர். அதே போன்று தெலுங்கில் உருவாகியுள்ள படத்துக்கு ‘ஜானு’ எனப் பெயரிடப்பட்டுள்ளது. இந்தப் படத்தில் ராம் – ஜானுவாக ஷர்வானந்த் – சமந்தா நடிக்கின்றனர். இந்தப் படத்தையும் பிரேம் குமார் இயக்கியுள்ளார். விரைவில் வெளியாகவிருக்கும் இந்தப் படத்தின் டீசர் மற்றும் பாடல்கள் வெளியாகி வரவேற்பைப் பெற்ற நிலையில் படத்தின் டிரெய்லர் நேற்று (ஜனவரி 29) வெளியானது.

96 படத்தில், தமிழ் ரசிகர்களின் மனம்கவர்ந்த பல காட்சிகள் அந்த டிரெய்லரில் இடம்பெற்றுள்ளது. தமிழில் வெளியான படத்துடன் இதை ஒப்பிட்டு பலரும் கருத்துகளைத் தெரிவித்து வருகின்றனர். இந்த டிரெய்லர் கலவையான விமர்சனங்களைப் பெற்றுள்ளது.�,”

+1
0
+1
0
+1
0
+1
0
+1
0
+1
0
+1
0

Leave a Reply

Your email address will not be published. Required fields are marked *