மின்னம்பலம் மின்னம்பலம்
மாலை 7, செவ்வாய், 29 செப் 2020

எலும்புகளை வலிமையாக்கும் முருங்கைக்காய் - ஹெல்த் ஹேமா 07

எலும்புகளை வலிமையாக்கும் முருங்கைக்காய் - ஹெல்த் ஹேமா 07

முரி எனும் சொல் ஒடிதல், கெடுதல் எனப் பொருள்படும். முருங்கு என்னும் சொல் முரி என்னும் சொல்லொடு தொடர்புள்ளது. முருங்குவது, அதாவது எளிதில் ஒடியக்கூடிய கிளைகளைக் கொண்டதே முருங்கை மரம் ஆகும். ஆனால், அந்த முருங்கைக்காயைச் சாப்பிட்டால் எலும்புகள் எளிதில் உடையாமல் வலிமையாக இருக்கும் என்பது தெரியுமா?

எலும்புகளை வலிமையாக்கும் முருங்கைக்காய்

முருங்கைக்காயைத் தொடர்ந்து சாப்பிட்டு வந்தால், எலும்புகளின் அடர்த்தி அதிகரித்து, குழந்தைகளின் எலும்புகளில் ஆரோக்கியம் மேம்படும்.

பலரும் விரும்பி சாப்பிடும் முருங்கைக்காயில் ஊட்டச்சத்துக்கள் நிரம்பியுள்ளது. முருங்கைக்காயில் உள்ள அதிக அளவு கால்சியம் சத்து, இரும்புச்சத்து மற்றும் வைட்டமின்கள் போன்றவை எலும்புகள் வலிமையடைய உதவுகின்றன. அதிலும் இதைப் பாலுடன் சேர்த்து தொடர்ந்து சாப்பிட்டு வந்தால், எலும்புகளின் அடர்த்தி அதிகரித்து, குழந்தைகளின் எலும்புகளில் ஆரோக்கியம் மேம்படும். முருங்கைக்காய் மற்றும் அதன் இலைகள் ரத்தத்தை சுத்தம் செய்யும் தன்மையைக் கொண்டவை.

மேலும், இது சிறந்த ஊட்டச்சத்தாகவும் செயல்படும். அதற்கு முருங்கைக்காயைச் சாப்பிடுவதோடு, அதன் இலையை சாறு எடுத்து, சூப்பாகக் காய்ச்சி குடித்துவந்தால், ரத்தம் சுத்திகரிக்கப்பட்டு, முகப்பரு மற்றும் இதர சரும பிரச்னைகள் வருவதைத் தடுக்கலாம்.

முருங்கைக்காய்க்கு ரத்தத்தில் உள்ள சர்க்கரையின் அளவைக் குறைத்து, நீரிழிவைக் கட்டுப்பாட்டுடன் வைத்துக்கொள்ளும் சக்தி உள்ளது.

மேலும், இதை உட்கொண்டு வந்தால், சிறுநீர்ப்பை நன்கு செயல்பட்டு, இதனால் சர்க்கரை அளவு குறைந்து, ஆரோக்கியமான வாழ்க்கையை வாழ உதவும்.

தொண்டைப்புண், சளி அல்லது இருமல் போன்றவை இருந்தால், ஒரு கப் முருங்கைக்கீரை சூப் வைத்துக் குடித்து வந்தால் சுவாச பிரச்னைகளில் இருந்து விடுதலைத் தரும்.

குறிப்பாக முருங்கைக்காய் மற்றும் முருங்கைக்கீரையை உணவில் சேர்த்து வந்தால், நுரையீரல் நோய்களான ஆஸ்துமா, காசநோய் போன்றவற்றில் இருந்து நிவாரணம் கிடைக்கும்.

நாளையும் வருவாள்...

ஹெல்த் ஹேமா 01

ஹெல்த் ஹேமா 02

ஹெல்த் ஹேமா 03

ஹெல்த் ஹேமா 04

ஹெல்த் ஹேமா 05

ஹெல்த் ஹேமா 06

சனி, 7 அக் 2017

chevronLeft iconமுந்தையது
அடுத்ததுchevronRight icon