மின்னம்பலம் மின்னம்பலம்
பகல் 1, புதன், 11 டிச 2019

வாட்ஸ்அப் வடிவேலு

வாட்ஸ்அப்  வடிவேலு

ஒரு பெண் அவளுடைய வீட்டைவிட்டு வெளியேறியபோது மூன்று முதியவர்கள் அவள் வீட்டின் முன் அமர்ந்திருந்தார்கள்.

அவர்களைப் பார்த்த அந்தப் பெண், “நீங்கள் யாரென்று எனக்கு தெரியவில்லை. இருந்தாலும் உங்களை பார்த்தால், பசியுடன் இருப்பதாக தெரிகிறது. அதனால் என் வீட்டிற்கு வாருங்கள். நான் ஏதாவது சாப்பிடுவதற்கு தருகிறேன்” என்று அந்தப் பெண் அம்மூவரையும் பார்த்து கூறுகிறாள்.

அதற்கு அம்மூவரும், “வீட்டில் உன் கணவன் இருக்கிறாரா?” என்று கேட்கிறார்கள்.

அதற்கு அவள், “அவர் வீட்டில் இல்லை. வெளியே சென்றிருக்கிறார்” என்று பதிலளிக்கிறாள்.

அப்போது அவர்கள், “அப்படியென்றால் உனது கணவர் வரும்வரை நாங்கள் வர மாட்டோம்” என்று கூறிவிடுகிறார்கள்.

மாலையில் அவளுடைய கணவன் வீட்டுக்கு வந்தபோது அவள் நடந்தவற்றை கூறுகிறாள். அதற்கு அவள் கணவன், “நான் வீட்டுக்கு வந்துவிட்டேன் என்று கூறி அவர்களை அழைத்துக்கொண்டு வா” என்று சொல்கிறான்.

அவள் வீட்டிலிருந்து வெளியே வந்து அம்மூவரையும் அழைக்கிறாள்..

அதற்கு அவர்கள், “நாங்கள் மூவரும் ஒன்றாக வர முடியாது” என்று கூறுகிறார்கள்.

“ஏன் அப்படி?” என்று அவர்களிடம் அவள் கேட்டாள்.

அதற்கு அவர்களில் ஒரு முதியவர் இன்னொருவரை காண்பித்து, “இவர் செல்வம்” என்றும், மற்றொருவரை காண்பித்து, “இவர் வெற்றி” என்றும் “நான் அன்பு” என்றும் கூறி, “உள்ளே சென்று உன் கணவனிடம் எங்கள் மூவரில் யார் உன் வீட்டுக்கு வர வேண்டும் என்று ஆலோசனை செய்து எங்களிடம் சொல்” என்று அவளிடம் கூறுகிறார்.

அப்பெண் வீட்டினுள் வந்து தன் கணவனிடம் அந்த முதியவர் கூறிய அனைத்தையும் கூறுகிறாள்..

அதை கேட்ட அவளுடைய கணவன் மிகவும் மகிழ்ச்சியாகி, “என்ன ஆச்சர்யமாக இருக்கிறது” என்று கூறிவிட்டு, “நாம் நம் வீட்டுக்குச் செல்வத்தை அழைப்போம். அவர் நம் வீட்டை செல்வத்தால் நிரப்பி விடுவார்” என்று தன் மனைவியிடம் கூறுகிறான்.

அதைக் கேட்ட அவருடைய மனைவி அதற்கு அதிருப்தி தெரிவிக்கிறாள்.

“ஏன் நாம் நம் வீட்டுக்கு வெற்றியை அழைக்கக்கூடாது?” என்று கேட்கிறாள்.

இதை அனைத்தையும் செவி கொடுத்து கேட்டுக்கொண்டிருந்த, வீட்டின் ஒரு மூலையில் அமர்ந்திருந்த அவர்களுடைய மகள், “ஏன் நாம் அன்பை அழைக்கக்கூடாது? அவரை அழைத்தால் நம் வீட்டை அன்பால் நிரப்பிவிடுவார் அல்லவா?” என்று அவள் தன் கருத்தை கூறுகிறாள்.

இதை கேட்ட அவளுடைய பெற்றோர் தங்களுடைய மகளின் ஆசையின்படி அன்பை வீட்டுக்கு அழைக்க முடிவு செய்கின்றனர்.

பிறகு தன் மனைவியிடம் அவளுடைய கணவன், “நீ வெளியே சென்று அன்பை நம் வீட்டுக்கு அழைத்துக் கொண்டுவா” என்கிறார்.

அப்பெண் வெளியே வந்து அம்மூவரையும் பார்த்து, “உங்களில் யார் அன்பு, அவர் என் வீட்டுக்கு விருந்தாளியாக வருமாறு அன்புடன் அழைக்கிறேன்” என்கிறாள்.

அதைக் கேட்ட அன்பு வீட்டுக்குச் செல்கிறார்.

அவரை பின் தொடர்ந்து மற்ற இருவரும் செல்கின்றனர்.

இதைப் பார்த்த அப்பெண், மற்ற இருவரிடமும், “ஏன் நீங்கள் வருகிறீர்கள்? நான் அழைத்தது அன்பை மட்டும் தானே?” என்று ஆச்சர்யப்பட்டு கேட்கிறாள்.

அதற்கு அம்மூவரும் ஒன்றாக அப்பெண்ணிடம், “நீ செல்வத்தையோ அல்லது வெற்றியையோ அழைத்திருந்தால், மற்ற இருவரும் வெளியே இருந்திருப்போம். ஆனால், நீ அன்பை அழைத்திருக்கிறாய். எங்கு அன்பு இருக்கிறதோ அங்கு செல்வமும், வெற்றியும் இருக்கும்” என்று பதிலளிக்கிறார்கள்.

அன்புதான் நம்மை அதிக சந்தோஷப்பட வைக்கும் என்ற செய்தியை படிக்கும்போது, அடடே... நம்ம ஆளுங்க திருந்திட்டாங்களோன்னு நெனச்சேன். க்ளைமாக்ஸுக்குக் கீழே, 20 ஆடுகள் உள்ள ஸ்மைலிய டைப்பண்ணி,

(🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐🐐)

இந்த message வேற groupla அனுப்பி பாருங்க. எல்லா ஆடும் இன்னொரு ஆடு கூட ஜோடியா நிற்கும். I also very very shocked.

அப்படின்னு போட்டுருந்தப்பதான் திருப்தியாச்சு. நல்லா வருவீங்கடா...

வாட்ஸ்அப் வடிவேலு 1 | வாட்ஸ்அப் வடிவேலு 2 | வாட்ஸ்அப் வடிவேலு 3 | வாட்ஸ்அப் வடிவேலு 4 | வாட்ஸ்அப் வடிவேலு 5 | வாட்ஸ்அப் வடிவேலு 6 | வாட்ஸ்அப் வடிவேலு 8 | வாட்ஸ்அப் வடிவேலு 9 | வாட்ஸ்அப் வடிவேலு 10 | வாட்ஸ்அப் வடிவேலு 11 |வாட்ஸ்அப் வடிவேலு 12 | வாட்ஸ்அப் வடிவேலு 13 | வாட்ஸ்அப் வடிவேலு 14 | வாட்ஸ்அப் வடிவேலு 15 | வாட்ஸ்அப் வடிவேலு 16 | வாட்ஸ்அப் வடிவேலு 17 | வாட்ஸ்அப் வடிவேலு 18 | வாட்ஸ்அப் வடிவேலு 19 | வாட்ஸ்அப் வடிவேலு 20 | வாட்ஸ்அப் வடிவேலு 21 | வாட்ஸ்அப் வடிவேலு 22

ஞாயிறு, 22 அக் 2017

chevronLeft iconமுந்தையது
அடுத்ததுchevronRight icon