மின்னம்பலம் மின்னம்பலம்
மாலை 7, செவ்வாய், 12 நவ 2019

இன்னும் பல ஊழல்கள் வெளிவரும்: யெச்சூரி

இன்னும் பல ஊழல்கள் வெளிவரும்: யெச்சூரி

மார்க்சிஸ்ட் கம்யூனிஸ்ட் கட்சியின் அகில இந்திய பொதுச் செயலாளர் சீத்தாராம் யெச்சூரியின் நாடாளுமன்ற உரைகளுடைய தமிழ் மொழியாக்க நூல், ‘சீத்தாராம் யெச்சூரி நாடாளுமன்ற உரைகள்’ என்ற பெயரில் நேற்று (அக்டோபர் 22) சென்னையில் வெளியிடப்பட்டது.

விழாவுக்கு மார்க்சிஸ்ட் எம்.பியான டி.கே.ரங்கராஜன் தலைமை வகித்து நூலை வெளியிட்டார். இந்த விழாவில் திமுக எம்.பி. கனிமொழி, அதிமுக சார்பில் தினகரன் ஆதரவு எம்.பியான நவநீதகிருஷ்ணன், காங்கிரஸ் சார்பில் முன்னாள் மத்திய அமைச்சர் சுதர்சன நாச்சியப்பன், விடுதலைச் சிறுத்தைகள் சார்பில் வன்னியரசு உள்ளிட்டோர் கலந்துகொண்டனர்.

விழாவில் சிறப்புரையாற்றிய சீத்தாராம் யெச்சூரி, “நான் நாடாளுமன்றத்துக்கு உள்ளேயும் வெளியேயும் ஒரே போராட்டத்தையே நடத்திக்கொண்டிருக்கிறேன். தேசப்பற்று என்ற பெயரில் போலி தேசியவாதிகள் நடத்தும் ஏமாற்று வேலைகளுக்கு எதிராக போராடிக் கொண்டிருக்கிறேன். இந்த அரசு ஏற்படுத்திய பொருளாதாரச் சீரழிப்பால் நாட்டின் ஒரு சதவிகிதம் மக்களே பயன்பெற்றிருக்கின்றனர். பொருளாதார சீர்குலைவு நடவடிக்கைகளால் தொழிலாளர்கள், பாமரர்கள், நடுத்தர மக்கள் என அனைத்து தரப்பு மக்களும் பாதிக்கப்பட்டிருக்கிறார்கள். பத்து லட்சம் பேருக்கு வேலை தருவேன் என்ற வாக்குறுதியெல்லாம் எங்கே போனது? அமித் ஷா மகனின் ஊழல் இப்போது வெளிவந்திருக்கிறது. இன்னும் பல ஊழல்கள் விரைவில் வெளிவரும்” என்று பேசினார் சீத்தாராம் யெச்சூரி.

ஞாயிறு, 22 அக் 2017

chevronLeft iconமுந்தையது
அடுத்ததுchevronRight icon