மின்னம்பலம் மின்னம்பலம்

வெள்ளி 30 மா 2018

அரசு மருத்துவமனையில் பூட்டு: வாசலில் குழந்தை பெற்ற பெண்!

அரசு மருத்துவமனையில் பூட்டு: வாசலில் குழந்தை பெற்ற பெண்!

தர்மபுரி மாவட்டம் கம்பை நல்லூரில் உள்ள ஆரம்ப சுகாதார நிலையத்தில் மருத்துவர்கள், செவிலியர்கள் பணியில் இல்லாததால், ஆரம்ப சுகாதார நிலைய வாசலிலேயே பெண் குழந்தை பெற்றதால் உறவினர்கள் நேற்று (மார்ச் 29) போராட்டத்தில் ஈடுபட்டனர்.

தர்மபுரி மாவட்டம், கம்பை நல்லூர் பேரூராட்சிக்குட்பட்ட கொங்கரப்பட்டி பகுதியைச் சேர்ந்தவர் கோவிந்தன் - தீபா தம்பதியர். 23 வயதான தீபா நிறைமாத கர்ப்பிணியாக இருந்துள்ளார். தீபாவுக்கு நேற்று அதிகாலை 4 மணி அளவில் பிரசவ வலி ஏற்பட்டுள்ளது. உறவினர்கள் அருகில் உள்ள கம்பை நல்லூர் அரசு ஆரம்ப சுகாதார நிலையத்துக்கு தீபாவை அழைத்துச் சென்றனர்.

அப்போது, ஆரம்ப சுகாதார நிலையத்தில் மருத்துவர்கள் மற்றும் செவிலியர்கள் உள்பட யாரும் பணியில் இல்லை. மேலும் சுகாதார நிலைய கதவும் பூட்டப்பட்டிருந்தது. நேரம் செல்ல செல்ல தீபாவுக்குப் பிரசவ வலி அதிகமானது. இதனால் தீபாவின் உறவினர்கள் பயமும், பதற்றமும் அடைந்தனர். பின்னர் மருத்துவமனையின் வாசலில் தீபாவை அமர வைத்தனர். பிரசவ வலி மேலும் அதிகரிக்கவே தீபா வலி தாங்க முடியாமல் கதறி அழுதுள்ளார். தீபாவுக்கு மருத்துவமனையின் வாசலிலே பிரசவமானது. அவருக்கு ஆண் குழந்தை ஒன்று பிறந்தது. இந்தச் சத்தத்தை கேட்ட அப்பகுதி மக்கள் அங்குக் கூடி, ஒரு வாகனத்தைப் பிடித்து அதில் தீபாவையும் குழந்தையையும் சிகிச்சைக்காக தர்மபுரி அரசு மருத்துவமனைக்கு அனுப்பி வைத்தனர். மருத்துவமனையில் போதிய சிகிச்சை அளிக்கப்பட்டதைத் தொடர்ந்து தாயும் சேயும் தற்போது நலமாக உள்ளனர்.

இதற்கிடையே மருத்துவமனையில் உதவிக்குக்கூட யாரும் இல்லாததாலும், மருத்துவமனை பூட்டியிருந்தாலும் ஆத்திரம் அடைந்த பொதுமக்கள் ஆரம்ப சுகாதார நிலையத்தில் கல்வீசி தாக்குதல் நடத்தினார்கள். இதில் மருத்துவமனையின் முன் பக்கத்தில் இருந்த ஜன்னல் கண்ணாடி உடைந்தது.

திருப்பதி: கொரோனா வார்டாக மாறும் தங்கும் விடுதிகள்!

3 நிமிட வாசிப்பு

திருப்பதி: கொரோனா வார்டாக மாறும் தங்கும் விடுதிகள்!

வேலைவாய்ப்பு: தமிழக மத்திய பல்கலையில் வேலை!

1 நிமிட வாசிப்பு

வேலைவாய்ப்பு: தமிழக மத்திய பல்கலையில் வேலை!

வாடகை பாக்கி: அரசு போக்குவரத்துக் கழக அலுவலகத்துக்கு சீல் - தொடரும் ...

5 நிமிட வாசிப்பு

வாடகை பாக்கி: அரசு போக்குவரத்துக் கழக அலுவலகத்துக்கு சீல் - தொடரும் அவலங்கள்!

வெள்ளி 30 மா 2018