மின்னம்பலம் மின்னம்பலம்
சனி, 8 ஆக 2020

ஆக்கிரமிப்பு கட்டடத்திற்கு சீல்!

ஆக்கிரமிப்பு கட்டடத்திற்கு சீல்!

கால்வாயை ஆக்கிரமித்துக் கட்டப்பட்டுள்ள கட்டடத்திற்கு சீல் வைத்து மின் இணைப்பைத் துண்டிக்கும்படி, அதிகாரிகளுக்கு சென்னை உயர் நீதிமன்றம் உத்தரவிட்டுள்ளது.

சென்னை, பம்மல் அம்பேத்கர் நகரில் கால்வாயை ஆக்கிரமித்து கிளாஸ்டின் டேவிட் என்பவர் கட்டடம் எழுப்பியுள்ளார். இந்த ஆக்கிரமிப்பை அகற்றக் கோரி கலாதேவி என்பவர் சென்னை உயர் நீதிமன்றத்தில் மனுத் தாக்கல் செய்திருந்தார்.

இந்த மனுவை இன்று (மார்ச் 30) விசாரித்த நீதிபதிகள் வேணுகோபால், வைத்தியநாதன் அடங்கிய அமர்வு, "கால்வாயை ஆக்கிரமித்துக் கட்டப்பட்ட கட்டடப் பகுதிக்கு சீல் வைக்க வேண்டும் என்றும், அந்தப் பகுதிக்கான மின் இணைப்பைத் துண்டிக்க வேண்டும் என்றும் பம்மல் நகராட்சி ஆணையர் மற்றும் பகுதி மின்வாரிய பொறியாளருக்கும்" உத்தரவிட்டது.

மேலும் இந்த மனு மீதான விசாரணையை ஏப்ரல் 10ஆம் தேதிக்குத் ஒத்திவைத்து, மனுவுக்குப் பதிலளிக்கும்படி, கட்டடம் கட்டிய கிளாஸ்டின் டேவிட்டுக்கு நீதிபதிகள் உத்தரவிட்டனர்.

வெள்ளி, 30 மா 2018

chevronLeft iconமுந்தையது
அடுத்ததுchevronRight icon