மின்னம்பலம் மின்னம்பலம்

திங்கள் 1 அக் 2018

இந்திய எல்லைக்குள் அத்துமீறிய பாகிஸ்தான்!

இந்திய எல்லைக்குள் அத்துமீறிய பாகிஸ்தான்!

இந்திய – பாகிஸ்தான் இடையிலான எல்லைக் கட்டுப்பாட்டுக் கோட்டிலிருந்து ஒரு கிலோமீட்டர் தூரத்திற்குள் இரு நாட்டு ஹெலிகாப்டர்களும் பறக்கக் கூடாது என்பது இரு நாடுகளுக்கிடையே உருவாக்கப்பட்ட விதிமுறையாகும். ஆனால், விதிமுறைகளை மீறி நேற்று (செப்டம்பர் 30) மதியம் சுமார் 12.13 மணியளவில், ஜம்மு காஷ்மீர் மாநிலம் பூஞ்ச் பகுதி அருகேயுள்ள பாகிஸ்தான் ஆக்கிரமிப்பு காஷ்மீர் எல்லைக் கோடு வழியே ஹெலிகாப்டர் ஒன்று அத்துமீறி உள்ளே நுழைந்தது. இதுபற்றி எச்சரிக்கை விடுத்தும், எந்த எதிர்வினையும் இல்லாததால், ஹெலிகாப்டரை சுட்டு வீழ்த்தும் நடவடிக்கையில் ராணுவத்தினர் ஈடுபட்டனர்.

இவ்வாறு அமைதி உடன்படிக்கை விதிகளுக்கு எதிராக எல்லைக் கோட்டுக்குள் நுழையும் விமானங்களைச் சுட்டு வீழ்த்த இரு நாட்டு அரசுகளுக்கும் உரிமை உண்டு. தற்போது எல்லைக்குள் ஊடுருவிய ஹெலிகாப்டர் எவ்வளவு தூரம் வந்துள்ளது போன்ற தகவல்கள் கிடைக்கப் பெறவில்லை என்று மேஜர் ஜெனரல் அஷ்வனி கூறியுள்ளார்.

ஏற்கனவே கடந்த பிப்ரவரி 21 அன்று ஜம்மு காஷ்மீர் எல்லைப் பகுதியிலிருந்து 300 மீட்டர் தொலைவில் பாகிஸ்தானின் மி–17 ரக ஹெலிகாப்டர் ஒன்று அத்துமீறி பறந்துள்ளது. அதற்கு அடுத்த நாளே, ஜம்மு காஷ்மீர் மாநிலத்தின் யூரி மண்டலத்திற்குட்பட்ட சாருண்டா பகுதியில் அதிகாலை பாகிஸ்தான் ராணுவத்தினர் அத்துமீறி உள்ளே நுழைந்து கண்மூடித்தனமாகத் துப்பாக்கிச் சூடு நடத்தினர் என்பதும் நினைவுகூரத்தக்கது.

திருப்பதி: கொரோனா வார்டாக மாறும் தங்கும் விடுதிகள்!

3 நிமிட வாசிப்பு

திருப்பதி: கொரோனா வார்டாக மாறும் தங்கும் விடுதிகள்!

வேலைவாய்ப்பு: தமிழக மத்திய பல்கலையில் வேலை!

1 நிமிட வாசிப்பு

வேலைவாய்ப்பு: தமிழக மத்திய பல்கலையில் வேலை!

வாடகை பாக்கி: அரசு போக்குவரத்துக் கழக அலுவலகத்துக்கு சீல் - தொடரும் ...

5 நிமிட வாசிப்பு

வாடகை பாக்கி: அரசு போக்குவரத்துக் கழக அலுவலகத்துக்கு சீல் - தொடரும் அவலங்கள்!

திங்கள் 1 அக் 2018