பண்டிகை சீசனின் போது வாடிக்கையாளர்கள் அதிகமாக ஆன்லைன் ஷாப்பிங் செய்யும் வகையில் வட்டியில்லாக் கடன் வழங்கும் சலுகையை அமேசான் மற்றும் ஃபிளிப்கார்ட் நிறுவனங்கள் அறிவித்துள்ளன.

இந்தியாவின் ஆன்லைன் மின்னணு வர்த்தகச் சந்தையில் அமெரிக்காவின் அமேசான் நிறுவனமும் இந்தியாவின் ஃபிளிப்கார்ட் நிறுவனமும் கடுமையாகப் போட்டியிட்டு வருகின்றன. குறிப்பாகப் பண்டிகைக் காலங்களில் இவ்விரு நிறுவனங்களும் போட்டி போட்டுக்கொண்டு தங்களது வாடிக்கையாளர்களுக்குப் பல்வேறு சிறப்புச் சலுகைகளை வாரி வழங்கும். இந்த முறை, குறைந்த விலையில் பொருட்களை விற்பனை செய்யும் சலுகை மட்டுமல்லாமல் வாடிக்கையாளர்களுக்குக் கடன் வழங்கும் திட்டத்தையும் இவ்விரு நிறுவனங்கள் அறிவித்துள்ளன. இதன்படி, வட்டியில்லாமல் ரூ.60,000 வரையில் கடன் வழங்கப்படுகிறது.