மின்னம்பலம் மின்னம்பலம்
பகல் 1, சனி, 19 செப் 2020

‘தங்கல்’ பட இயக்குநரின் அடுத்தப் படம்!

‘தங்கல்’ பட இயக்குநரின் அடுத்தப் படம்!

நடிகர் ஆமீர் கான் நடிப்பில் வெளியான ‘தங்கல்’ திரைப்படத்தின் இயக்குநர் நிதேஷ் திவாரி தனது அடுத்தப் படத்தை துவங்கியுள்ளார்.

ஹிந்தியில் ‘சில்லர் பார்ட்டி' , ' பூத்நாத் ரிட்டர்ன்ஸ்’ ஆகிய படங்களை இயக்கியவர் இயக்குநர் நிதேஷ் திவாரி. இவரது இயக்கத்தில் கடைசியாக வெளியான படம் ' தங்கல்’. ஆமீர் கான் ஹீரோவாக நடித்திருந்த இப்படம் மல்யுத்த ஜாம்பவான் மகாவீர் சிங்கின் வாழ்க்கை வரலாற்றை அடிப்படையாகக் கொண்டு எடுக்கப்பட்டது. விமர்சன ரீதியாகவும், வசூல் ரீதியாகவும் பெரும் வரவேற்பைப் பெற்ற இப்படம் இந்தியா மட்டுமல்லாது சீனாவிலும் வெளியாகி 2000 கோடிக்கு மேல் வசூல் சாதனை புரிந்தது.

இதனையடுத்து தற்போது, நிதேஷ் திவாரி இயக்கும் புதிய படம் குறித்த தகவல் வெளியாகியுள்ளது. ‘Chhichhore’ என்று தலைப்பு வைத்துள்ள இப்படத்தின் படப்பிடிப்பை நேற்று (செப்டம்பர் 30) துவங்கியுள்ளனர். இதை நிதேஷ் திவாரி தனது ட்விட்டர் பக்கத்தில் உறுதிப்படுத்தியுள்ளார். ‘ஃபாக்ஸ் ஸ்டார் ஸ்டுடியோஸ் – நடியட்வாலா கிராண்டசன் எண்டர்டெயின்மெண்ட்’ நிறுவனங்கள் இணைந்து இதை தயாரிக்கிறது. வெகு விரைவில் இதில் நடிக்கும் நடிகர்களின் பட்டியல் வெளியிடப்படும் என எதிர்பார்க்கப்படுகிறது.

திங்கள், 1 அக் 2018

chevronLeft iconமுந்தையது
அடுத்ததுchevronRight icon