மின்னம்பலம் மின்னம்பலம்
மாலை 7, புதன், 5 ஆக 2020

தாயகம் திரும்பியோருக்கு வேலை: மத்திய அரசு திட்டம்!

தாயகம் திரும்பியோருக்கு வேலை: மத்திய  அரசு திட்டம்!

வெளிநாடுகளிலிருந்து திரும்பியவர்கள் வேலைவாய்ப்பு பெறும் வகையில் மத்திய அரசு புதிய திட்டத்தைத் தொடங்கியுள்ளது.

கொரோனா பரவல் காரணமாக வெளிநாடுகளில் சிக்கிய மற்றும் வேலைவாய்ப்புகளை இழந்த இந்தியர்கள் சிறப்பு விமானங்கள் மூலம் தாயகம் திரும்பி வருகின்றனர்.

ஐக்கிய அரபு நாடுகள், ஓமன், சவுதி அரேபியா, குவைத், கத்தார் உள்ளிட்ட நாடுகளில் இருந்து மட்டும் 80,000 இந்தியர்கள் திரும்பியுள்ளனர். எண்ணெய், எரிவாயு, சுற்றுலா, கட்டுமானம், தானியங்கி, போக்குவரத்து, தகவல் தொழில்நுட்பம், விருந்தோம்பல் உள்ளிட்ட பல்வேறு துறைகளில் இவர்கள் பணிபுரிந்து வந்தனர். அமெரிக்கா, சிங்கப்பூர், இங்கிலாந்து உள்ளிட்ட நாடுகளிலிருந்தும் பலர் வேலையிழந்து திரும்பியுள்ளனர்.

இந்த நிலையில், வெளிநாடுகளிலிருந்து திரும்பியவர்களில் திறன் வாய்ந்த பணியாளர் விவரங்களை வேலைவாய்ப்பு தருவதற்காக திரட்டும் ‘ஸ்வதேஸ்’ எனப்படும் திட்டத்தை மத்திய அரசு தொடங்கியுள்ளது. இதற்கான, www.nsdcindia.org/swades என்ற இணையதளம் வாயிலாக, இவர்களது விவரங்கள் திரட்டப்பட்டு வருகின்றன. பணி மற்றும் திறன் விவரம், அனுபவம் போன்றவற்றை இதற்கான படிவத்தில் பூர்த்தி செய்து ஆன்லைனில் சமர்ப்பிக்க வேண்டும் என்று இதுகுறித்த தகவல்களை இந்திய திறன் மேம்பாட்டுத்துறை அதிகாரிகள் கூறியுள்ளனர்.

ராஜ்

வெள்ளி, 5 ஜுன் 2020

chevronLeft iconமுந்தையது
அடுத்ததுchevronRight icon